alsibyan
مرحبا بك عزيزي /عزيزتي في منتدى مجلة الصبيان الإلكترونية نزلت أهلاً وحللت سهلاً ...


رابطة معجبي مجلة الصبيان الإلكترونية ، والطفل السوداني الاعلامي
 
الرئيسيةالبوابةس .و .جالأعضاءالتسجيلدخول
أهلا وسهلا بكم في منتدى مجلة الصبيان للكبار والصغار ، نجمع أكبر توقيع هنا مطالبين بإعادة مجلة الاطفال وتعاود إصدارها كما كانت ، من حق أطفالنا الاستمتاع بمتابعـة المجلة ، ونركز في طلبنا تدريب الطفل السوداني إعلامنا ، وايضا فكرتنا في تحويل عمّك تنقو إلى شخصيـة كرتون ... والباب مفتوح للمدارس وللأطفال بالمشاركة هنا في المنتدى دمتم ... زاهر الطيب صاحب الفكرة
نفيدكم بان هنا في المجلة الالكترونية لمجلة الصبيان إستشارة طبية مباشرة مع الدكتورة/ أمال محمد أحمـد وهي جاهزة لكل إستفساراتكم في تقديم النصائح المباشرة لكم بخصوص صحة الطفل والصحة العامة نشكر الدكتورة لاستقطاعها جزء من وقتها لمساعدة الامهات والاباء في مجالها ( الصيدلة ) وتقدم إرشادتها إمتنانا وحبا في مجلة الصبيان ومعجبيها

شاطر | 
 

 عمك تنقو مصمم أزياء مشاركـة عـامـة

اذهب الى الأسفل 
كاتب الموضوعرسالة
عمك تنقو
Admin
avatar

عدد المساهمات : 56
تاريخ التسجيل : 18/11/2009

مُساهمةموضوع: عمك تنقو مصمم أزياء مشاركـة عـامـة   الثلاثاء مايو 25, 2010 11:15 am

صباحكم زين شباب وشابات موضوع اليوم عايزنه عن عمكم تنقـو ( مصمم أزيـاء )
والعـازة صـاحبة معرض ( تصميم الازياء ) .... تصميم محلي وعالمي ويا اخوات العـازة
أبدعن معنا .... والقلم معـكم ... ودمتم ...

بقلم : Rowa Abdalwhab Alsafi
===================

عمك تنقو فكر وقدر
قال للعازة نصمم معرض
نستورد قماش متريال
جيد اصفر احمر اخضر وازرق..
قامت العازة لمت صحباتها
مشو طويل علي الجامعات
يجيبو افكار ويحددو اشكال
عشان الدخل يكون عال العال..
ويشوفو كمان كل الموديلز
الحايمة هناك _
تبع قانون العرض والطلب ودراسة الجدوي_

(في حرم الجامعة):
خالتو العازة راسها شطب
وجرت واطي عملت رايحه
وجات لتنقو تشكي وتبكي و
قالت ليهو : احسن نبعد,
وشوف لينا مشروع غير التفصيل
دا قصة طويلة وذنب كبير..
والله كريم والرزق كتير ب
س ابعدنا من التفصيل..

**************

******* التعليق ********

عمك تنقو اول محاولة أحييييييك عليها والطريقـه هـادفـة ، وتنفعي مديرة وصاحبة محل تجاري كبير
لكونك تتابعي المشروع من مصادره والاهتمام برغبـة وذوق الزبون ..
. هذه دراسـة جدوى وفكرة لبداية اي مشروع .... ومن نظرة صاحب الفكرة بعين ثاقبـه يقدر
يمييز هل سينجح ولا ينسحب زي العـازة وقناعتها بعدم الفكرة من اساسها ...
. أشكرك مرة أخرى ومكسب للقروب

*************

بقلم : Saeed Assd Ali
=============

عمك تنقو زول فنان
..وقال يخوانا مشيت لبنان.
..وعرفتى اسوى اى هدوم
كان عراقى وكان فستان
...وجاتو الفكره.
..فتح معرض فى سعد قشره.
.وفتح المعرض وعمل اعلان.
..مجلات تنقو ابو الالوان.
..وبقا العازه مديره :
::وكل دقيقه طلبيه كبيره
...لكن عمك طلع كضاب
...مابصمم ولا شراب...

===========

تعليق عمك تنقو : هاهاهاهاهاهاهاهاهاها اصبر لي تطلعني كذاب
=====================

بقلم : Mohammed Elmakkey Mustafa
======================

عمك تنقو عامل جوطه
حالف يدخل جوه الحيطه
فهمه انه الزي ما آخر موضه
شوفي ياعازه إنت تكوني ست المعرض
وانا بي فكري بسهام برضو
لا زم كل خلق الله تعرف...
انه الموضه عندنا تخرف

===========


بقلم : Alaa Elbagi
===========

عمك تنقو كان خياط
لملم اقمشتو وفكر
!! قال يا تنقو لازم تكبر
ومن دربو ....مشى للعازة
وقال : يالعازة... مشاهدة المزيد
تنقو حيفتح اكبر متجر
تصميم ازياء
خياطة للنساء
وجلاليب بيضاء
ننتج احسن زي
ينفع بلدنا
ويكسي اهلنا
والشغل بكل ادقان
لا فيهو لف ولا دوران
ومن هسه يا العازة انت المديرة
شغلة صغيرة
بس دايرة همة كبيرة
وتنقو الترزي حيبقى مصمم
من الصباح جاب مكاناتو
فتح المعرض
وفتح الورشة
وبدت الدوشة
ناس تجي بالعربات
وناس بالركشات
عمك تنقو كترت عليهو الطلبات
مسك مقصو وشال مكناتو وكب شتات
وقال ياناس الشغلة كبيرة
دايرة زول متخصص يعرف يديرة
تنقو الترزي صاحب حرفة صغير
===============

التعليق : عمك تنقو هاهاهاهاهاههاهاهاهاعلا مالك علينا بعد ما بقيت رجل اعمال
ههههههههههه ترجعني تاني لي بداية الحرفة حلووووووووة منك جميلة والله سلم قلمك

================

بقلم :محمد صلاح الدين الكرنكي
==================
عمك تنقو ترزي الحاره .
قال استثمار والشغله شطاره
فتح دكان ناس جارو جباره .
وتوب العازه عملو ستاره .
جاب مكناتو وبدل الابره ركب ضفاره .
قال للعازه جيبي زباين
والعازه كمان ماخلت جاره .
كل الحله جاتو تفصل
حتي الصول بتاع الطاره .
عمنا تنقو ردم الحته وقال بسم الله
بدينا تجاره ..
زن زن المكنه تفصل
والضفاره شغاله نجاره
اول بت جات لي فستانا
عمك تنقو اداها زراره .
وهدوم العازه بهدل حالا
وخلي العازه عيونه شراره .
ناس الحله اتلمو ف تنقو
وجابو ليه عربيه الطاره ..
عمنا تنقو حاول يتخارج
بس مسكين رفعوه رجاله ..
( خسا ا ا ا ا ا ا ا اره)

****************

التعليق : عمك تنقـو 100% يا محمـد ما شاء الله عليك موهبـة جميلة منك ..
. وإلى الامـام
==============


بقلم : Alaa Farajaby
============

عمك تنقو خيط فستان
وكان في العازة حاجه تمام
_ ناس الحلة اتبسطو كمان_
عمك تنقو لم الناس
وقال ليهم بكرة خلاس_
نفتح محل (سمحة خلاص)
كل زول حيلقي مزاجو
وآخر موضة تكون لبساتو_
وعند العازة ختو طلبكم
وبسرعه بسرعه نلبي طلبكم_
أول بروفة لحاجة كبيرة
عمك كشكش وقلل طولا_
العازه تجبد وتاني تجبد
والقصه لسه منفوشه ومشموره_.
زعل الحاجه لف الحاره
وفي الجرايد جابو الصورة_
وعكس الكان مفروض يحصل
الطلب إتذايد علي المنفوش المقصر_
بس لكن لفئة البيبي والأطفال
الموضه تكسر_ بقو الأطفال
يقولو عايزين بلاوز وفنايل وفساتين_
وزاعت وصاتت سيرة تنقو_
عمك بسط وصار مغندل_
العازه كمان ما بتقصر
ماسكه مكانا _مديرة أعمالو_
من غيرا ما كان عمك بتشهر_


============

تعليق تنقـو :
هههههههههههههههههههههههه حلوووووووووووة والله وده الحاصل
( مصـائب تنقـــــــــــو عـند قـوم فـوائد ) مع احترامي للمثل ...

محاولة جميلة جدا هكذا الشعر القصصي ولو متحاج حبـه تعديل
====================

بقلم : Kawther Baga
=============

عمك تنقو متابع الموضات
وقال يتوجة على البوتيكات
ويعمل احسن تصميمات
من التيشيرتات والبلوزات
ومعاها كمان العبايات
وكمان ما ينسى الساريهات للمناسبات
وعشان ينافس ارقى الموديلات
فكر يعمل تنزيلات
ويجيب عارضات سودانيات
وعمل ماركة سماها تنقوهات
وقال بعد ده لا lee cooper ولا posh
ولا غيرها من الماركات
وخلى العازة تلملم في القريشات
وقالت ناوية تشتري بيها غويشات

==========


بقلم :- Ayat Abdelghafar Hassan
==================

عمك تنقو مصمم ازياء.
صمم لبسة معاها حذاء .
وقال يا تنقو دي احسن فرصة
تجذب بيها قلوب حواء
تصميم محلي وعالمي وعرض ازياء.
. وزبائن فل تسنيم نفيسة حرم وهيفاء

=============

بقلم : نجلاء فرح
==========

عمك تنقو فكر ودبر.
..قال انا عاوز ابقي مصمم .
..بدل الناس تشتري من برة
بي خيرها بلدنا انعم واكرم.
.قام اتوجه جاب حاجاتو
من الاقمشة خمخم ولملم.
..جاب الموضة عمل تصميم
حاجة جميلة تهبل وتلخم.
..عمل حاجات وموضة عجيبة
كل الشافها داير يجيبها....

===============
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عمك تنقو مصمم أزياء مشاركـة عـامـة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alsibyan :: عمك تنقو محاولات الاعضاء شعر قصصي-
انتقل الى: