عمك تنقـو وإمسـاكية رمضان

عمّك تنقو واول يوم في رمضان
=====
عمّك تنقو ضارب النومة
فاتح خشمة ومادي الدومـة
ناسي الليلة دخل رمضان
...جّوة الغرفة الكانت ضلمة
قالت ليه العازة قوم يا رمـة
****
زهج فيها هووي يا حرمة
ناوليني صعـوتي افك الخرمة
**
إنت يا راجل عديم الزمة
مع رمضان عندك كلمة
*
عمك ناسي الشمس الشارقة
شال لهيو مخده وغطى الطاقة
كركع وكركع بكل رشاقة
إما غباء ولا شلاقـة
=
بتاريخ 1/رمضان/1431هـ عمكم عايز يعمل فيها انه ما متاكد من وقت الامساك

عمك تنقو جرسة في رمضان
=========
عمك تنقو مشى لي جاره
منها يفرق ويعرف اخباره
***
...دخل البيت وقال يا ساتر
قول لوليتك تعمل ساتر
ولد جاره صغير وقاصر
صينية مطقـمة فيها مناظر
عمك حوص قاله يا شاطر
بختك انت جالدو وفاطر
***
عمك زغلل وجاه زهول
قال للشافع اقول لك قول
اكل اللحمة وخلي الفول
***
عمك تنقو اب طبعا شين
نسى صيامه والله يعين
في صحن اللحمة و بقوة عين
غتس يـده قال يا معين
شافوه جاره قال ليه يا لعين
عمك قاله كلبكم وين
*****
خالص تحياتي زاهر الطيب 14/اغسطس/2010