تنقو والعيد والخروف والعازة

عمك تنقو حالو مبهدل
قبل العيد القرب يوصل
اصلو العيد حاجاتو كتيرة
وعمك تنقو جيبو معطل

العازة هناك جايبالو لست
والطلبات شوال ودست
وتنقو عشان مايرضي العازة
جاب من كل اصنافا حتت

عمك تنقو كساه الخوف
لما اتذكر راجي خروف
والاسعار فوق المتين
وباقل سعر ماظنو يشوف

وعمك فكر يضحي بي ديك
دا اقرب حل للمشكلة ديك
واصلو المسالة كلها لحم
وانت ياعازة جناح بكفيك

وعمك قال دي افكار ماسورة
خايف العازو تلعب دورة
كيف حاتضحي بديك في العيد
وفوق الحي ياها المستورة

اصلو العيد محتاجلو خروف
دي مادايرالا كمان سبورة
وخشي السوق وشافلو خروف
وقعد ولدو واخد الصورة
اصلو العيد قلبوهو استديو
خلي العازة التاكل صورة

الله يديك العافية ياتنقو
عشان فكرتة انك ترضيني

وماضروري خروف ولا تتعب روحك بلموجود بس