رأي تنقو في المديح السايد

عمك تنقو بقي محتار
شاف الدنيا لعبة ترتار
وبقت الناس ساكاها الدنيا
ناسين في يوم شغل الحفار
الناس ملهوفة تخم وتلملم
والكل اصبح عبدت دينار
ياحليل السبحة الشاقة الليل
ياحليل في الحلقة مديح الطار
صلو عليهو سيد الناس
ولينا تسهل يا الغفار
وياحليلو مديحك يابرعي
شريف صديق يالوصفك حار
كساوي الشيخ كباس الليل
ام ضوا بان رجال الدار
اولاد الماحي الطار اترزم
شوفو الحبر الصوتو اجهار
وينو مديحنا القمنا عليهو
وينو الطار البطرب بيهو
بقي موسيقي صاخبة وجايطة
صوت ليون يمرمر فيهو
واريتو موسيقتك هديك براها
فوقا بنية تلولي وراها
نحن الطار جوانا اترزم
وحبو نبينا فينا ردم
ومهما كان نقولا كمان
نقولا نقولا بصوت مليان
يلا نسيبا موسيقي تشوه
لينا مديحنا يا اخوان
نرجع تاني نعبي الطار
نشكل حلقة تملا الحيشان