الراجل الحار

عمك تنقو الراجل الحار
ديمة مكشر ليل ونهـــــــار
جنو وجن اللخبطة تظهر
وابدا مابيرضاه هظار
قال حينضف كل الحلة
ماحايخلي حريم الظار
******
وفي الاعراس حايشيل السوط
عشان مايحارب للبوبار
واي بلاوي مع الاعراس
وكل البحصل للاظهار
ويمنع كل الداخل فينا
كان بالدش او بالاقمار
*****
وعمل قانون عشان مايردع
وعشان ما يحاكم كل شمشار
شال سكينو وجار عكازو
زي الزول القاصد تار
بدا بي السرة وحاجة التومة
وكان تحذيرو كلاما حار
*****
وعمك جادي دخل كافتريا
شاف الخالطين بالجد احتار
وخلي الفات قام قبل فيهم
وديل بالجد دايرين اطهار
دايرين توبيخ دايرين تكسير
دايرين تقطيع دايرين اعصار
وعمك فكر يجهز حملة
وقرر يبقي الدفتردار